жигүүр
Зөв бичгийн дүрмийн толинд бүртгэлтэй
Тайлбар
- 1.Шувууны далавч
- 2.Нисэх онгоцны хоёр далавч
- 3.Саадгийн мөрөвчний хойдох намианы дор хадсан төмөр;
- 4.шилжсэн утгаЧадвар, авьяас;
- 1.жигүүр хулгана амьт. (маш сайн үсэрдэг нэг зүйл хулгана).
- 1.алтан жигүүр амьт. (янз төрх шар алаг дунгартай адилхан, ар улаан, жигүүр хар, дундаа нэгэн хэсэг шар чандартай, алт мэт гялбалзах бялзуухай).
Англи утга
- нэр үгwing
Тийн ялгал
| Нэрлэхийн тийн | жигүүр |
|---|---|
| Харьяалахын тийн | жигүүрийн |
| Заахын тийн | жигүүрийг |
| Өгөх орших тийн | жигүүрт |
| Гарахын тийн | жигүүрээс |
| Үйлдэхийн тийн | жигүүрээр |
| Хамтрахын тийн | жигүүртэй |
| Чиглэхийн тийн | жигүүр лүү |
| Олон тоо | жигүүрүүд |
Дүрмээр үүсгэж, зөв бичгийн дүрмийн толиор шалгасан. Толинд олдоогүй хэлбэрийг «—» гэж үлдээсэн.
Нийлмэл үг
бяцхан жигүүр — өд сөд багатай, богино, жижиг далавч
жигүүр гартан — амьт. - гар шиг далавчтай жижиг шувуу
жигүүр гэмтэх — далавч шархтах
жигүүр хөлтөн — амьт. - хөл шиг далавч бүхий шувуу
жигүүр ургах — жигүүртэй болох, өд сөд нь гүйцэх
жигүүр хумхих — далавчаа эвхэх
жигүүр хөмсөг — булган хөмсөг
жигүүр цагаан хөлөг — нисэх онгоц
баруун жигүүр — баруун тал
баруун жигүүрийн гэр — хуучир. - түшмэдийн хэрэг шийтгэх газар
зүүн жигүүр — зүүн талын этгээд
жигүүрийн байшин — захын байшин
жигүүр гэр — гол гэрийн хоёр талд барьсан гэр байшин
жигүүр гэрэл — их хаалганы хоёр захаар хөвөөлөн хийсэн гэрэл
жигүүр сайд — хуучир. - эрхэлсэн сайдын дараах албан тушаалтан
жигүүрийн түшмэл — түүх. - үе залгамжлах түшмэлийн тавдахь зэрэг
жигүүр хаалга — их хаалганы хажуугийн бага хаалга
жигүүрийг атаклах — зах, хажуу этгээдийг довтлох
намын жигүүр — шилж. - улс төрийн намын доторх ялгавартай үзэл бүхий бүлэг
жигүүр өд болох — хань, хамсаатан болох
өрөөл жигүүр болох — а.тал бие нь болох; б.шилж. Хань хамсаатан болж хүч хавсрах
Хэлц үг
жигүүр өд болох — хань, хамсаатан болох
Цэвээн тэргүүтэн, Дугар мээрэн зэрэг хүмүүс угтан авч жигүүр өд болон нийлэлдэж… (Г.Наваан-Юндэн, Өвгөн бичээчийн өгүүлэл).
жигүүргүй болох — а.хүч чадалгүй болох
Өө хөдөлгөх хүч суларсан. Ахыгаа жигүүргүй болсон л гэж бод. б.хань хамсаатан байхгүй болох
жигүүр сод бүрдэх — хүчин чадал нь бүрдэх
Тэмүүжиний бага насанд үнэхээр туйлын гаслан зовлон давхацсан бөгөөд Тэмүүжинг жигүүр сод бүрдээгүйд нь бусниулан арилгасугай хэмээн... сэтгэсэн аймгууд маш арвин ажгуу (Маньжав, Чингис хааны үлгэр).
↑ өрөөл жигүүр болох
Галуу унавч гарч чадахгүй
Жигүүр ургавч зайлж чадахгүй
Хоршоо үг
даль жигүүр — далавч
өд жигүүр — шувууны өд сөд болон далавч
Илүү дэлгэрэнгүй тайлбарыг Монгол хэлний их тайлбар толь (mongoltoli.mn)-оос харна уу.