захлах
Тайлбар
- 1.Эд юманд зах хөвөө хийх
- 2.Нуур, далай, гол мөрний ус захаасаа хөлдөж эхлэх
- 3.Бусадтайгаа нийлэхгүй зайдуу байх, ижил сүргийхээ захаар нь байх
- 4.Зах хөвөө дагуу явах, орших
- 5.Үсний хажуу, ар захыг тэгшлэн засах
Нийлмэл үг
дээвэр захлах — а.эсгий дээвэрт зах ирмэг оёх; б.байшин барилгын дээврийг хөвөөлөх
хувцас захлах — хувцсанд зах хадах
ширдэг захлах — ширдэг хөвөөлөх
гол захлах — голын ус эрэг ирмэгээсээ зайртан хөлдөх
нуур захлах — нуурын хөвөө хавь зайрмагтах
мал захлах — мал сүргийнхээ захаар голдуу байх
хонь захлах — хонин сүргээсээ онцгой салгуу явах
гол захалж явах — голын эрэг, хөвөө дагаж явах
нуур захалж нутаглах — нуурын захад ойр нутаглах, нуур тийш шахаж буух
үс захлах — үсний үзүүр, ирмэгийг тэгшлэн засах
халимаг захлах — халимаг үсийг үзүүрээс нь тэгшлэх тайрах
Хоршоо үг
ахлах захлах — удирдах тэргүүлэх
Илүү дэлгэрэнгүй тайлбарыг Монгол хэлний их тайлбар толь (mongoltoli.mn)-оос харна уу.